中方特別貨物列車

近日香港一再放寬防疫措施,雖然同好多國家疫情結束咗嘅情況仍有分別,但總算與正常生活嘅距離亦在一步步拉近 😷

今年年初,香港剛受 #Omicron 變異病毒株影響,每週高見近數十萬名市民感染「2019 冠狀病毒病(COVID-19)」,而要在家隔離。各行車綫繁忙時間嘅班次首次因為大量車務人員身體不適,而曾下調近一個月,部分車站只能維持最基本讓乘客上落車嘅服務。同時,唔少跨境貨車司機及邊境管制站人員染疫,令本港貨物入口供應鏈受阻

特區政府便聯絡中方,安排牽引了最多 14 個裝有鮮活食品及防疫物品貨櫃嘅貨運火車,由中國深圳嘅平湖南站出發,駛到東鐵綫「羅湖編組站(Lo Wu Marshalling Yard)」,並參考往中國往倫敦貨運列車嘅模式運作,起初每日開出一班車,及後增至兩班 🚂🚂

逾百年歷史嘅東鐵綫,屬英、清政府修建的九廣鐵路一部分,九廣鐵路嘅其中一個作用係方便尖沙咀上岸的貨物,接駁粵漢鐵路等。至 70 年代未九鐵開始雙綫化及電氣化工程時,因應中國改革開放,鐵路局喺沿綫興建並重修咗唔同貨場

位於羅湖站月台南邊嘅羅湖編組站便於 80 年代應運而生,方便來自紅磡、旺角、沙田、火炭貨場嘅貨物列車,能於編組站內停低,再將其貨卡、油鼓卡及郵政車廂重組到同一班車,由九鐵自己嘅機車牽引呢啲貨物過境至平湖南站

其實,喺九廣鐵路通車後嘅一個世紀,來往香港和中國間嘅城際列車曾因二次世界大戰、中國內戰、包括「省港大罷工」等嘅中國政局動蕩而多次停駛,前後達數十年之久;但貨物列車則於可行的情況下,即使二戰期間受日軍空襲下,仍盡量往來兩地

然而, 東鐵綫嘅貨運同郵政業務已於 2010 年,因需求低迷而結束,貨物處理設施亦受「 沙田至中環綫 」工程影響而清拆。今次,車務人員要喺一星期內,重置當時喺羅湖編組站內嘅工程車和廢舊車廂,再制訂程序,安全引導中方貨物列車駛入編組站,停喺最近汽車通道嘅路軌

進出口商與在場政府人員處理好報關等手續後,流動吊臂會將貨櫃移至貨櫃車上,再將貨物送往市區。由於羅湖編組站現時為停泊東鐵綫載客車廂嘅側綫之一,車務人員安排咗一列工程車分隔中方貨物列車與其他列車,以留出安全距離,避免影響東鐵綫日常運作

期間,為咗俾中方嘅司機毋須離開車廂,減低病毒傳播嘅風險,貨物列車頭尾有兩部機車,當貨物裝卸完成後,司機可以喺北面嘅機車開走貨物列車返回中國

隨跨境物流恢復正常,中方貨物列車喺 7 月初便完成任務,同時讓工程人員能趁疫情期間,與中國鐵路集團協調,更換羅湖橋上的路軌軌枕及集中翻髹橋身防繡油漆,待政府重新安排城際列車服務

--

--

MTR Service Update

影子的鐵路公司溝通渠道,目的為示範公共事業之應有水準 A shadow digital media communication platform of the railway operator to demonstrating an expected performance of public bodies