市區綫願景列車

市區綫願景列車共有 93 列、744 個車廂,將以「一換一」方式取代目前喺觀塘綫、荃灣綫、港島綫、將軍澳綫上最舊型、自 1979 年開始分批投入服務嘅「現代化列車」,今次亦係港鐵歷嚟最大型嘅換車計劃 🚈🚈

呢款列車係 2010 年代初,由一個喺兩鐵合併後,著手升級本港鐵路服務體驗嘅「鐵路願景計劃」,所引入嘅新車廂鐵路願景計劃

➡️ metroride.hk/RailwayVision

車廂內嘅設施與近年各款新列車一樣,包括改用 LED 照明、人體工學座椅。同時設有動態路綫圖,能更清楚顯示車程資訊,或由車務控制中心傳送嘅事故訊息 🖥

因應市區綫屬港鐵網絡中最繁忙嘅路段,新列車與東鐵綫、屯馬綫嘅新車廂一樣,採用無柱式車門通道、人體工學設計座,並擴闊咗車門邊可以站立嘅空間

避免乘客只聚集喺兩度車門之間,妨礙咗上落車嘅人流,令列車更難喺車站按時開出,同時方便有需要乘客隨時上落車,同時會喺其他位置就增加咗扶手數目,鼓勵乘客平均分佈喺車內唔同位置 👥 👥

對比「現代化列車」嘅車門由氣壓操作,新列車改用目前十分普遍的電動車門,當夾到物件時能獨立自動重開,而毋須每次都打開全車 40 對車門,費事失事 🚪🚪

針對過往不同暴力或緊急情況,職員難以得知車內實際情況,亦有時乘客按動咗多個緊急通話器後會鎖死列車,令列車無法駛往能提供較合適協助嘅車站

於是新車嘅緊急通話器亦作改良,乘客求助時駕駛室嘅電腦會讓車廂閉路電視鏡頭一同運作

其實車內閉路電視鏡頭,喺唔同先進國家嘅列車經已十分普及,相比之下香港呢方面起步較唔同城市慢,而本港嘅片段受《個人資料(私隱)條例》保障,只可以喺合法情況下,由獲授權人士事後查閱或只能用於執法部門的調查工作,或呈堂證供之用 🔦 🎥

全球各地鐵路嘅運作都以安全為先,新列車原本設計配合全新 Advanced Seltrac 訊號系統一同運作,喺疫情期間系統需修訂設計,並按政府要求進行實證,因此新列車投入服務前,亦由製造商安排暫用現有行車訊號

https://www.instagram.com/p/ClYvisivpgR

將來,列車可改用無人駕駛模式,增加各班車嘅運作效率,所以第 1、8 卡車廂大部分座位底裝有「智能伺服器(IOBCS)」,將運行狀況傳回車務控制中心,並讓維修人員分析機件操作嘅大數據 🪛🔧

「市區綫願景列車」由 11 月 27 日(星期日)起,率先服務觀塘綫的乘客,期後會逐步推廣至港島綫、荃灣綫及將軍澳綫,預計 2028 至 2029 年全面投入服務

--

--

MTR Service Update

影子的鐵路公司溝通渠道,目的為示範公共事業之應有水準 A shadow digital media communication platform of the railway operator to demonstrating an expected performance of public bodies