車站導引指示牌
港鐵嘅列車同巴士服務，每日接載超過 500 萬人次，各港鐵行車綫嘅車站能處理大量人流，導引指示就十分重要 👀🚶🏻🚶🏽♀️
隨車站的地理環境不同，乘客會首先見到喺街道、大廈簷篷的港鐵標誌或車站出口嘅站名招牌
車站內設於售票機旁嘅《車費表》及《港鐵路綫圖》供乘客隨時查閱，期後由「列車」圖示帶領乘客入付費區；月台柱身同月台門上嘅圖表，會列出該方向嘅列車將途經邊個車站、可轉乘邊啲路綫 🔄
當乘客離開車廂抵達目的地月台時，近天花位置嘅綠色「出 Exit」，或黃色升降機圖示則引導乘客先以最近的路徑到大堂。再由直立的索引，列明車站附近主要建築。若車站有分隔大堂嘅話，就會喺月台讓離站乘客揀定向左走或向右走 ↔️
港鐵首套導引系統隨觀塘綫於 1979 年尾通車啟用，當時以地鐵企業形象顏色 — 紅色為主調，並引入首套用於鐵路嘅標準中文字型，通往扶手電梯嘅指示果陣就已能按需要顯示，確保乘客只會「順行」上落樓層
其後喺 90 年代中，地鐵公司徵集乘客意見重新設計指示牌，列出中、英文訊息時更加清晰，以英文字母為車站出口命名嘅同時，都符合當時香港嘅消防安全標準 🔤
至 90 年代尾機場鐵路落成，車站引入大量如市區預辦登機服務、餐廳、停車場（及其繳費處）、機場快綫免費穿梭巴士等新服務，第三代導引系統應運而生，加以改良後再喺 2000 年代初至中推廣至市區綫車站，更由 2008 年起陸逐用於所有車站、輕鐵月台及巴士站牌，是為現時港鐵網絡嘅標準 🚇 🚈 🚋 🚌
喺較新落成嘅車站，就有「隱密式（Secret-type）」指示牌能暫時將當下唔適用嘅訊息隱藏；其綠色出口標示亦會喺發出疏散指示後，由車站主控系統控制應該閃動或熄滅，提供最清晰嘅離開路綫，避免錯誤指引乘客重返險境
近年本港嘅旅客數目持續上升，車站指示牌增設顏色色塊嚟標示轉乘方向，同埋大型街道圖使人流更暢順，更與時並進加入如「預約的士」、「Wi-Fi 熱點」等標示方便乘客
車站指示牌現逐步改用 LED 作背光，日漸實現碳中和目標嘅同時，首款數碼導引系統即將喺金鐘站投入服務，屆時乘客可與互動方式，查閱更詳盡嘅步行路綫指南，其內容亦可以隨時更新 👆 🖥️
