港輕鐵第二期列車告別

輕鐵「第二期列車」服務乘客滿 30 年後,將於 2 月 26 日(星期日)告別 🚋🚋

輕鐵首階段於 1988 年底通車,起初政府嘅定位係接管當時屯門新市鎮、青山灣及通往元朗「大馬路」嘅公共交通服務,因而喺開幕首日便有列車便告超載,同時天水圍新市鎮亦逐漸發展,初期新增坑尾村、天耀、樂湖、天瑞站,九廣鐵路公司就此引入第二期輕鐵列車,應付乘客需求

第二期列車共有 30 個車廂,針對輕鐵比起其原型墨爾本電車繁忙要多,而當年亦未有屯馬綫分流跨區乘客,其中 10 個車廂為不設駕駛室的拖卡,容納更多乘客讓大家更快能上車到達目的地,同時方便方便與新舊列車隨時組成拖卡列車,增加維修和列車服務的彈性

針對原有車廂的空調機組功率不足以應付香港的炎熱天氣,每卡第二期列車的車廂都有兩組冷氣機,駕駛室頂部再有一部獨立冷氣,解決往日乘客投訴輕鐵滿載時車廂氣溫偏高嘅情況

車尾嘅電機設備亦集中至車廂右邊,除咗空間有所增加外,亦新增一個可以由乘客自行操作,連帶逃生梯嘅緊急出口。當遇上突發情況,車長毋須等候緊急服務人員到場封路,便可以將列車停止服務並疏散乘客 🏃‍♂️🏃‍♀️

列車於 90 年代尾換上今日嘅塗裝,緊接喺 2000 年代初與「第一期列車」一同改用電子路綫顯示,並喺車尾加設路綫牌,方便乘客登車,仲省咗有時當列車改為服務其他路綫時,乘客往往要等候目的地布幕完成捲動,方知道列車目的地為何嘅時間

喺考慮車廂嘅損耗情況、維修共通性以及增購新列車後,可為輕鐵新帶來額外 10 個車廂後,「第二期列車」自 2020 年底開始已陸續由新車廂取代,並會喺嚟緊嘅 2 月 26 日(星期日)嘅告別之旅最後一次接載乘客:

🗓️ 2 月 26 日(星期日)
🕘 09:15 輕鐵元朗站月台 — 1 開出
ℹ️ 預計於 09:40 到輕鐵兆康站月台 — 4 之後,會停留至 11:00 讓乘客及公眾人士拍攝留念

#拍攝時記得留意身邊嘅人 #人多擠逼時請到較後位置
#唔好妨礙過路處嘅人士 #月台資訊螢幕唔會顯示呢班列車

--

--

MTR Service Update

影子的鐵路公司溝通渠道,目的為示範公共事業之應有水準 A shadow digital media communication platform of the railway operator to demonstrating an expected performance of public bodies