迎接啟德體育園啟用

位處啟德新發展區，佔地 28 公頃、歷時近六年興建的 #啟德體育園 將於聽日 3 月 1 日（星期六）正式揭幕 🎊

園內分為啟德主場館、啟德體藝館、青年運動場及運動健康中心，另外設有三座啟德零售館，內有商店及餐廳等消閒設施。其中，啟德主場館最多可容納 50,000 名觀眾，對比世界各地嘅大型體育設施而言屬中型場館

前往啟德體育園嘅各個場館，可分別取道

🚶‍♂️🚶🏾‍♀️ #啟德 站 D 出口

或

🚶‍♂️🚶🏾‍♀️ #宋皇臺 站 D 出口

並沿途按街道嘅指示步行約 10 分鐘

屯馬綫於 2024 年秋天，便已測試應付啟德體育園活動入場、散場場時嘅列車服務安排，屆時班次同早上繁忙時間差唔多，約為 2.5 分鐘一班車

當中會有空載列車由啟德開往美孚、天水圍

以及由宋皇臺接載乘客往第一城 🚈 🚈

當啟德體育園有大型活動進行時，車廂都內會有提示，指引乘客到合適嘅車站落車 📣

至於啟德、宋皇臺站月台加設咗空載列車到站廣帶、轉車路綫指示以疏導人流；

大堂嘅閘機現已升級至同時接受八達通、單程車票、車票二維碼、感應式付款卡，閘機會與天花位置嘅燈號一同運作，配合隨時按需要而調整嘅人流方向

同時，大堂嘅指示牌會就目前嘅人流方向作不同顯示，指引不論入場與否嘅所有乘客到最合適嘅出口 ⬆️ ❌

居住喺車站附近嘅各位街坊喺日常搭車時，可留意位於唔同出口嘅螢幕，得悉嚟緊幾日活動前後嘅出口安排。一般而言，喺大型活動散場時：

#啟德 站 A 出口為只准離站

出口 B、C、D 會連同警方嘅人潮管理措施改為只准入站

需前往 AIRSIDE 商場，請取道 A 出口即啟朗苑附近嘅路面

期間，車站洗手間亦會暫停使用，需要相約親友嘅乘客，請考慮喺其他地方等候 👀

另一方面，宋皇臺站 A 出口亦為只准入站，方便活動觀眾離開，一但場館出現突發狀況需緊急疏散，則會有其他安排

喺過去多次政府部門安排嘅測試中，啟德、宋皇臺、土瓜灣站均能兼顧活動觀眾及黃昏繁忙時間嘅人流。列車調度及車站運作例如為乘客補票等安排，都暢順有序 ✅

如同使用公共交通工具前往各種嘅大型活動一樣，只要預先計劃好行程，並留意廣播及資訊螢幕嘅各種佈告，並遵從職員或緊急服務人員嘅指示，就能夠開心而滿足觀賞各項盛事節目