會展站

#東鐵綫過海段 包括 #紅磡 、 #金鐘 站嘅新月台，以及「東鐵過海隧道」同埋全新嘅 #會展 站

東鐵過海隧道係全港第四條鐵路過海隧道，同另外三條一樣為沉管隧道，共分 11 節，列車過海時嘅車速會超過每小時 100 公里

會展站位處香港會議展覽中心，以及灣仔運動場看台之間嘅地底，由於附近建築物樁柱林立，因此亦限制列車未能以 12 卡組合過海

車站有六個出口，其中兩個接駁灣仔行人天橋網絡，亦方便乘客道會展中心舊翼

而其他出口則分別經路面通往金紫荊廣場、灣仔碼頭及公共運輸交匯處，分擔現時灣仔站的人流：

出口 A1 — 灣仔遊泳池

出口 A2 — 會議道

出口 A3 — 灣仔碼頭

出口 B1 — 鷹君中心

出口 B2 — 金紫荊廣場

出口 B3 — 香港會議展覽中心

預料會展有大型活動時，車站都會十分繁忙，所以大堂都有三至四條扶手電梯、特別寬闊嘅樓梯，同埋升降機通往各個出口

而會展站係其中一個最近維多利亞港嘅車站，會以海水嘅顏色為主色，配以由 1200 張照片拼成嘅作品《水記憶》是為車站藝術品

牆壁同時展出「沙田至中環綫」計劃嘅施工過程，並向東鐵綫呢條逾百年歷史嘅鐵路致意，俾乘客睇到自蒸汽火車時代嘅歷史圖片，同埋各款包括係柴油客車、城際列車嘅繪圖

其中一角更展示咗一枚可供乘客觸摸、於車站施工時掘出嘅戰時炸彈，配以香港於戰時遭受空襲嘅簡史

會展站月台其實係採用分層設計，預留空間予有待政府落實嘅新鐵路綫使用，現時較高一層往金鐘，低層往羅湖 / 落馬洲，喺分流唔同方向嘅乘客時，都會比以往嘅車站設計更佳

上車前記得留意指示牌，揀定最直接同方便嘅扶手電梯，再留意埋月台資訊螢幕嘅「列車載客情況」，到較少人嘅位置上車，輕鬆到達九龍同新界東 🚇