港鐵閉路電視網絡
來年 2025 年係現代鐵路歷史以英國為開端，踏入 200 週年嘅紀念
自蒸汽火車的黎明期，鐵路沿住鐵軌連繫咗唔同地方，壓縮咗人同貨物運輸嘅時間，但要傳遞消息，協調各個車站、訊號所嘅運作，仍有困難。時區制度、電報及電話等應運而生，歷史上首台能實用化嘅電報機，就為服務大西部鐵路（Great Western Railway）而生產
因只電訊設備於蒸汽火車嘅黎明期，便成為鐵路運作重要工具之一。佢嘅角色，除咗後來發展到同行車訊號相關外，後嚟因車站內如廣播系統、資訊螢幕、閉路電視網絡等服務乘客嘅科技陸續增加，而變得日漸重要
承接倫敦地鐵的經驗，本港喺 45 年前地鐵通車時，車站已裝設閉路電視鏡頭，讓車長喺彎道月台可以獨自開出列車、車站職員能喺複雜嘅地底空間了解站內情況，同時可減少罪案發生
及至 90 年代，九廣鐵路同地下鐵路首次更新閉路電視網絡，鏡頭以監察人流、輔助列車開行為主，由於保安用途並非重點，大部分鏡頭裝設於月台邊緣、扶手電梯梯口、客務中心以及車站出口 🎥 👀
節日衍生嘅人潮管理問題，以及多宗喺市區嘅嚴重罪案，乃當年的社會焦點，於是車站嘅閉路電視網絡，始跟隨當時國際趨勢接駁至鐵路警區，讓警方作即時調配，或調整大型活動散場同封路安排 🚓 👮♂️👮
隨鐵路的服務範圍喺 2000 年代進一步擴展 ，直播路軌匯合處、列車停放處嘅鏡頭應運而生，方便車務控制中心及車廠人員了解事故處理進度
然而，喺日常乘客需要報案、職員處理車站受滋擾情況，抑或車務事故時，鏡頭嘅盲點往往會降低閉路電視系統嘅可用性
以 2017 年荃灣綫列車縱火案為例，當時港鐵逾 65% 的車廂未有閉路電視鏡頭，車長無從得知乘客的求助是否屬實，以及車廂嘅火勢為何。當列車駛到尖沙咀站後，網上片段反而比閉路電視畫面，更清楚顯示喺車頭位置點解有唔少乘客未有離開現場
有見及此，港鐵公司喺 2010 年代中著手準備更新閉路電視系統，解決鏡頭覆蓋率不足，以及因系統老化，畫面解像度低且會出現「跳格」等影像不穩定的問題。同時輕鐵月台亦會加舖寬頻網絡，供閉路電視鏡頭運作，日後控制中心可隨時得知實際人流狀況，適時調度列車
至於現有的車廂，亦會按獨立顧問的建議，分別加裝閉路電視或者為本身嘅鏡頭安裝錄影設備 🚈
新嘅閉路電視系統亦支援「影像分析（video analystics）」功能，例如會就有人擅闖軌道等危險狀況發出警示，或者會啟動喺扶手電梯前嘅揚聲器，提醒推住 BB 車嘅乘客應改用升降機上落，以策安全 📹 🔉
縱然車站職員及列車車長嘅職責，乃操作鐵路系統同列車，閉路電視系統唔會長時間顯示全數眾多嘅畫面，影響職員日常工作進度，但新系統逐步啟用後，更多畫面現可傳送至車務控制中心，使鐵路處所嘅安全程度，以及事故處理效率亦會提升
新、舊鏡頭會並存於車站一段時間，待技術人員全面調較系統後，便會拆除舊有鏡頭
而新系統唔會有記錄音聲，同埋可以辨識乘客、公眾人士嘅設計，以符合本港嚴格嘅個人私隱法例。攝得嘅片段亦會按法例要求保存，嚴格限制只能由獲授權人士查閱，日常與案件及鐵路安全無關嘅片段，亦會按時銷毀 ✅
