東鐵綫過海將近一年，最近更陸續恢復其跨境交通的功能，而東鐵綫大部分路段嘅軌道道床，因其歷史和建築特色，均由道碴舖成 道碴（ballast）亦即係路軌底下嘅「碎石仔」，係最傳統嘅軌道道床，能將逾 500 噸重列車行駛時帶嚟的重量平均分散，避免隨之而嚟產生嘅震動影響同鐵路接鄰嘅地方，同時便於排走因天雨而來的積水 🛤 但道碴亦會受年月風化，進一步變成更細嘅碎片而影響其效用，因此東鐵綫曾於 1993 至 1995 年重舖全綫道渣，當年嘅工程舖下共厚 300 mm 嘅道渣，同時讓火車喺 大學 至 大埔墟 站之間，改用今日近教育大學球場嘅新路段，縮短行車時間 另一方面，近年為改善月台過往高低不平的狀況，以便安裝月台門，喺部分月台嘅範圍，都舖咗新道碴令車廂與月台邊緣高度更為吻合 然而，東鐵綫改用新車廂後，因列車性能提升咗，維持高速行駛嘅時間比以往長，基建設施更需要維持喺良好狀態，所以東鐵綫喺 2020 年中開始全面換上新道碴

近日香港一再放寬防疫措施，雖然同好多國家疫情結束咗嘅情況仍有分別，但總算與正常生活嘅距離亦在一步步拉近 😷 今年年初，香港剛受 #Omicron 變異病毒株影響，每週高見近數十萬名市民感染「2019 冠狀病毒病（COVID-19）」，而要在家隔離。各行車綫繁忙時間嘅班次首次因為大量車務人員身體不適，而曾下調近一個月，部分車站只能維持最基本讓乘客上落車嘅服務。同時，唔少跨境貨車司機及邊境管制站人員染疫，令本港貨物入口供應鏈受阻 特區政府便聯絡中方，安排牽引了最多 14 個裝有鮮活食品及防疫物品貨櫃嘅貨運火車，由中國深圳嘅平湖南站出發，駛到東鐵綫「羅湖編組站（Lo Wu Marshalling Yard）」，並參考往中國往倫敦貨運列車嘅模式運作，起初每日開出一班車，及後增至兩班 🚂🚂 逾百年歷史嘅東鐵綫，屬英、清政府修建的九廣鐵路一部分，九廣鐵路嘅其中一個作用係方便尖沙咀上岸的貨物，接駁粵漢鐵路等。至 70 年代未九鐵開始雙綫化及電氣化工程時，因應中國改革開放，鐵路局喺沿綫興建並重修咗唔同貨場

市區綫新列車已投入服務一個星期，喺上週呢個時間，港鐵受倫敦運輸局管理合約委託營運嘅伊利沙伯綫（Elizabeth Line），就有一場列車慈善告別活動 👋 🚈 伊莉莎白綫全長 118 公里，得名自已故嘅女皇伊莉莎白二世陛下，分別由 大東方幹線（Great Eastern Main Line）各站停車服務 + 中央營運路段（Central Operation Section） + 大西方幹線（Great Western Main Line）慢綫班車 組成，由東至西貫通英國倫敦中心部分並連接附近城市，被喻為戰後最重要基建投資之一

市區綫願景列車共有 93 列、744 個車廂，將以「一換一」方式取代目前喺觀塘綫、荃灣綫、港島綫、將軍澳綫上最舊型、自 1979 年開始分批投入服務嘅「現代化列車」，今次亦係港鐵歷嚟最大型嘅換車計劃 🚈🚈

#東鐵綫過海段 包括 #紅磡 、 #金鐘 站嘅新月台，以及「東鐵過海隧道」同埋全新嘅 #會展 站 東鐵過海隧道係全港第四條鐵路過海隧道，同另外三條一樣為沉管隧道，共分 11 節，列車過海時嘅車速會超過每小時 100 公里 會展站位處香港會議展覽中心，以及灣仔運動場看台之間嘅地底，由於附近建築物樁柱林立，因此亦限制列車未能以 12 卡組合過海 車站有六個出口，其中兩個接駁灣仔行人天橋網絡，亦方便乘客道會展中心舊翼 而其他出口則分別經路面通往金紫荊廣場、灣仔碼頭及公共運輸交匯處，分擔現時灣仔站的人流： 出口 A1 — 灣仔遊泳池 出口 A2 — 會議道 出口 A3 — 灣仔碼頭 出口 B1 — 鷹君中心 出口 B2 — 金紫荊廣場 出口 B3 — 香港會議展覽中心

#東鐵綫過海段 即將通車，隨新車廂及新訊號系統投入服務一年多，「中期翻新列車」都將會榮休 「中期翻新列車」前身係第一代電氣化火車，由 1982 年起服務新界東乘客往返市區，設計時每列車係 3 卡一組，可以組成 3 卡、6 卡、9 卡、12 卡列車

香港號稱亞洲國際都會，亦是世界三大國際金融中心之一，日常生活中「鐵路壞車」、「又壞」、「港鐵故障」等 keywords 不絕於耳 但對比其他先進城市，近郊火車系統或都市捷運網絡於當地一樣是城市命脈，鐵路故障變成社會議題的現象則十分罕見，從搜集不同城市的傳媒報道，以及社交媒體討論得知，大慨只有歷史、地理、社會狀況與香港相似的新加坡，方能觀察到同樣的發展 早喺 2019 年反修例風波及隨後疫情蔓延全球之前，我地曾與本地鐵路迷會 －Riders 合作統計香港、倫敦、東京三地鐵路於 2016 年全年，列車延誤抵達下一站至 10 分鐘或以上 嘅事故數字，睇吓港鐵是否「成日壞 …

屯馬綫於 6 月 27 日（星期日）全綫貫通時，另一個會開幕的車站是土瓜灣站 車站會呼應地名由來，而用到水藍色為主調，配以各種生活用品的大型藝術裝飾，月台則設有隸書寫成嘅大型車站名稱書法

屯馬綫於 6 月 27 日（星期日）全綫貫通，標誌住「沙田至中環綫」第一期工程正式完成 🎊 🥂 🤎 當日 #宋皇臺 站、 #土瓜灣 站、#何文田 站月台 3、4 將會投入服務 💜 西鐵綫、屯馬綫一期當日正式改稱「屯馬綫」 ❤️ 而現時嘅西鐵綫列車，會率先喺 6 月 20 日（星期日）改用 #紅磡 站新嘅 2、3 號月台 列車離開啟德站剛剛一公里後，便會沿啟德新發展區的邊陲抵達宋皇臺站，車站包括隧道通風設施，確保屯馬綫繁忙時間最多每小時單方向能開出 28 班車